ഇത് കണ്ടിട്ട് വല്ല പഴയ പീടിക തിന്നയോ മറ്റോ ആണെന്ന് കരുതിയെങ്കില്‍ തെറ്റി. ഇത് എറണാകുളത്തെ ട്രാന്‍സ്പോര്‍ട്ട് ബസ്‌ സ്റ്റാന്‍ഡില്‍ സ്ഥാപിച്ചിരിക്കുന്ന ബോര്‍ഡ് ആണ്. എഴുതിയിരിക്കുന്നത് ഇതും:

"ഈ സ്റ്റാന്‍ഡില്‍ നിന്നും പുറപ്പെടുന്ന വണ്ടികളുടെ പ്ലാറ്റ് ഫോം നമ്പരും പോകുന്ന സ്ഥലവും "

സത്യം പറഞ്ഞാല്‍ അവിടെ ചെന്നാല്‍ അതൊരു ബസ്‌ സ്റ്റാന്റ് ആണെന്ന് പറയില്ല. ഏതോ ഒരു മാര്‍ക്കറ്റില്‍ കയറിയ പോലെ തോന്നും. മുഴുവനും കടകള്‍ മാത്രം. 

കഴിഞ്ഞ ദിവസം ഒരു യാത്രക്ക് വേണ്ടി ചെന്നപ്പോള്‍ കണ്ടതാണ്. എങ്കില്‍ ഇരിക്കട്ടെ ഇത് കൂടി എന്ന് കരുതി.

 

 കഴിഞ്ഞ ദിവസം  കോയമ്പത്തൂരില്‍ മഴ പെയ്തപ്പോള്‍. ബസ് ടെര്‍മിനലിന് വെളിയില്‍ റോഡിലെ വെള്ളകെട്ടിലെ പ്രതിബിംബം.

(കമ്പം യാത്രയില്‍ നിന്നും )

അവിടെ ഏക്കറു കണക്കിന് സ്ഥലത്താണ് മുന്തിരി തോട്ടം ഉള്ളത് . പക്ഷെ അതിന്റെ അടുത്ത് ചെല്ലാന്‍ പറ്റില്ല. കാവലിനു ആളുകള്‍ ഉണ്ട്. റോഡിന്‍റെ ഒരുവശത്ത് കറുത്ത മുന്തിരിയുടെ തോട്ടമാണ് എങ്കില്‍ ഇപ്പുറം നല്ല പച്ച മുന്തിരി തോട്ടം. "ആഗതന്‍ " ചിത്രം ചിത്രീകരിച്ച കെട്ടിടവും (?) കാണാം.

ഇത് കോട്ടയം - കുമളി റോഡിന്റെ ഒരു ദൃശ്യം 

ചിത്രത്തില്‍ മലയുടെ അങ്ങേ വശത്ത് കൂടി വാഹനം വരുന്നത് കാണാം. കൂടെ റോഡില്‍ അതിര് തിരിക്കുവാന്‍ ഉപയോഗിച്ചിരിക്കുന്ന പൈപ്പുകളും.

പൈപ്പുകളും കാടുകൊണ്ട് മറയപെട്ട കളിങ്കുകളും

സ്വല്‍പ്പം ഒന്ന് മാറിയാല്‍ അഗാധമായ കൊക്കയിലേക്ക് ആണ് വീഴുന്നത്. ഇവിടെ വഴിയുടെ വശങ്ങളില്‍ അതിര് തിരിക്കാന്‍ വേണ്ടി ഈ പൈപ്പുകളും കുറച്ചു കംമ്യുനിസ്റ്റു പച്ചയും മാത്രം. റോഡും റോഡിന്റെ അതിരും തമ്മില്‍ കഷ്ടിച്ചു ഒരു ഒന്ന് ഒന്നര  അടി മാത്രം അകലം. ചില സ്ഥലത്ത് കലിങ്കുകള്‍ ഉണ്ട്. എന്നാല്‍ അവയാകട്ടെ കാടുപിടിച്ച് കാണാന്‍ പറ്റാത്ത അവസ്ഥയും. അതിലെക്കള്‍ ഏറെ രസം ഈ വഴികളില്‍ ഒന്നും തന്നെ വഴി വിളക്കുകള്‍ ഇല്ല എന്നതാണ്. 

 

വര്‍ണങ്ങള്‍ വിതറിയ ഈ വഴിയില്‍
ഇന്നലെ വരെ കൂടെ ഉണ്ടായിരുന്ന
എന്‍റെ പ്രിയ സുഹൃത്തേ ...
എന്നില്‍ നിന്നും നീ മാറിയത് ,
അകന്നു പോയത് ഞാന്‍ അറിഞ്ഞില്ല....

ഇരു ദേഹവും ഒരുമനവുമായി
കൂടെ ഇത്രനാള്‍ ഉണ്ടായിരുന്നു .
എപ്പോഴാണ് നിന്‍റെ ഉള്ളിന്‍റെ ഉള്ളില്‍
ഈ വിചാരം കുടിയേറി പാര്‍ത്തത്‌?
എന്തിനായ് നീ എന്നോടിങ്ങനെ ചെയ്തു?

ഒരിക്കലും പിരിയാത്തോരീ സൗഹൃദം !
തോളോട് തോള്‍ ചേര്‍ന്ന് നടന്ന കാലം..
മറയ്ക്കുവാന്‍ ഒന്നുമേ ഇല്ല തമ്മില്‍..
പിന്നെ നീ പയ്യെ അകലാന്‍ തുടങ്ങി
കൂട്ടുകാര്‍ പുതിയവര്‍ തേടിയെത്തി

ആരെന്നു നിന്നോട് ചോദിച്ച നേരം
കളവു നീ എന്തോ പറഞ്ഞു മാറി
മതത്തിന്റെ പേരിലും ജാതിതന്‍ പേരിലും
മനുഷ്യ കുരിതി ചെയ്തിരുന്നോരവര്‍
അവരാണ് നിന്നുടെ പുതിയ കൂട്ട്

ഇടനെഞ്ചില്‍ നീ കത്തി കുത്തിയപ്പോള്‍
ഒട്ടുമേ വേദന തോന്നിയില്ല

വേദന തോന്നി, മനസ്സില്‍ ......

കുത്തിയത് നീയെന്നറിഞ്ഞ  നേരം ....!

ഒരിക്കല്‍ നിന്നെ ഞാന്‍ രക്ഷിച്ചു , പകരം
നീയെനിക്കിപ്പോള്‍ മരണം തന്നു

നന്ദി സുഹൃത്തേ ...
നന്ദി....

 ഒരു തമിഴ്നാടന്‍ വഴിയോര കാഴ്ച

A shot from Kambam